رواية هديه من مجهول كاملة جميع الفصول
وازاي .... حاولت أجمع الحروف على قد ما أقدر .. بس للأسف تاهت مني ... كأني ف ثواني اتحولت لواحدة خ رساء ... اتكلم هو وقال
.... أنا عارف إن الصدمة كبيرة عليك بس قبل أي حاجة لازم تعرفي إنك غالية أوي عندي وعمري ما هأذيك... شهد أنت بالنسبة لي حلم ......
كلامه وصل لقلبي واستقر فيه كمان .... أنا ازاي مشدودة له كدا.... طب ما هو على طول قدامي وعمري ما حسيت بحاجة من ناحيته .... إشمعنى دلوقتي يعني ... وأخيرا حسيت بالحروف طالعة مني ... قلت له بصوت مهموس
أبتسم بطريقة خطفتني ... لأول مرة أخد بالي إن ابتسامته حلوة كدا ..... مش عارفة إيه اللي بيحصلي ده.... رد علي وقال
........ كسرة عينيك هي اللي خلتني أعمل كدا .... دموعك وضعفك هما اللي حركوني
قلت له بحزن
.... تروح تسرق حد مالوش ذنب
اتعصب وقال
..... يستاهل .... هو أصلا كان قاصد يضايقك ويقهرك. . أنا كنت واقف عند الباب وشايف كل حاجة .... وبعدين متقلقيش اللي زي الراجل ده معاهم فلوس ياما وعمرها ماهتخلص.... بس للأسف فلوسهم عمتهم وخلتهم يدوسوا على اللي زينا بدون أي ذرة ڼدم
.... طب أنت زاي عارف عني كل حاجة .. بتقرأ أفكاري مثلا ولا مخاوي حضرتك
ضحك نفس الضحكة اللي مجنناني وقال
...... لا الموضوع أبسط من كدا بكتير ... مهكر تليفونك وبس كدا يا ستي
قلت له پصدمة
..... معقول ...
قالي
.... أيوة طبعا معقول ... لا بقولك إيه أنا ف التكنولوجيا مفيش مني اتنين ... عن طريق تليفونك كنت بقدر افتح الكاميرا واشوفك واسمعك كمان .... واعرف كل الحوارات الي بتدور عندك .... تعالي اوريك لميا صاحبتك بتعمل إيه دلوقتي
..... أنت مهكر تليفون لميا كمان
قالي
.... صدقيني عملت كدا من خۏفي عليك .. كنت عايز اطمن إن أقرب صاحبة ليك تستاهلك ... أنا بخاف عليك لأبعد حد ده أنا كل يوم بعد الشغل بمشي وراك عشان بس اطمن إنك وصلتي بسلام....
كنت حاسة جنبه إني ملكة وملكت الدنيا كلها كنت حاسة بصدقه وحبه جدا ... الحب واللهفة اللي ف عينيه دول أنا عرفاهم كويس ... ڈم ..ا بحسهم بس من أبويا. .... معقول ممكن حد يحبني نفس حب أبويا .....
.... ليه مقولتليش من بدري على مشاعرك
رد علي وقالي من غير أي مقدمات
...... لأني نصاب ... كنتي هتوافقي ترتبطي بواحد نصاب
... يعني أنت حړامي
بص حواليه وقالي بصوت واطي
... وطي صوتك هتفضحينا .... لأ أنا مش حړامي ... أنا بسرق الناس اللي بتسرق حق غيرها ... بسرق معډومي الضمير اللي اكلين حقوق الغلابة ... ده حقنا وأنا باخده منهم
.... بس ده مش مبرر للسړقة. .. وبعدين أنت ليه واثق في أوي كدا
قالي بحزن
.... عشان أنت شبهي ..وعشان حاجة تانية كمان
... إيه هي
قالي بجدية وبصوت شبه مسموع
..... أنت معاك ف بيتك كنز وللأسف ماتعرفيش عنه حاجة. .. كنز كفيل ينقلك أنت واهلك في مكان تاني خالص ... أبعد مما تتخيليي
يتبع
قالي بجدية وبصوت شبه مسموع
.....إنت معاك ف بيتك كنز وللأسف ماتعرفيش عنه حاجة. .. كنز كفيل ينقلك إنت واهلك في مكان تاني خالص ... أبعد مما تتخيلي. ...
قمت من مكاني وأنا بقوله بحزن
.... أنت شكلك جاي تهزر وأنا ماعنديش وقت للهبل ده
مسك أيدي وقالي
..... اقعدي بس يا شهد .. والله كلامي جد الجد. ... اقعدي وأنا هفهمك
... اتفضل قول أنا سمعاك
.... فاكرة الجهاز اللي دكتور جمال شايله عندك من فترة
.... أيوة طبعا ... ده جهاز حديث جدا والدكتور مش فاهم فيه ... عشان كدا خلاه عندي لغاية لما يعرضه على خبير أجنبي
ابتسم وقالي
.... الله
